أول المائة ريال تكفي العائلة شهر .
ألحين ألف ريال ما تكفي لواحد .
أول سيارة وحدة في البيت تكفي البيت والجيران .
ألحين في البيت وكالة سيارات والأم يوصلها السواق .
أول في الحارة مسجد واحد وبعيد وكل الناس تصلي .
ألحين في الحارة أكثر من ثلاث مساجد والمسجد صف واحد .
أول الحريم غير متعلمات وحجابها حتى وهي نايمه في رأسها .
ألحين جامعية ونص شعرها طالع .
أول تعرف وش متعشي جارك
ألحين يسافر ويمرض ويروح ويرجع وأنت ما تعرف عنه شئ .
أول المعلم قدوة لطلابه .
ألحين يشيش معهم .
أول تلفزيون واحد في البيت وقناة واحدة وفترة للأطفال وفترة للكبار .
ألحين كل غرفة بتلفزيون وألف قناة ولا مراقب .
أول تلفون واحد في البيت وما يرد عليه إلا الأب أو الأم .
ألحين كل واحد في البيت عنده جهازين ولا مراقب .
للأسف الشديد واقع نعيشه
ويقولون ليش المجتمع تغير
كافي تلومون الزّمان وعقْرب الساعه يدور
نفْس الشّهر نفْس السنه نفْـس الفصول الاربعه
اللي تغيّر واختلف صدْق المبادي والشعور
طيبة ملامحنا توارت تحْت زيف الأقنعه
صرْنا نحب المال مـن حب المظاهر والظهور
نرْفع مقام اللي معه ونهمّش اللي ما معه
صرْنا نشوف اكتافنا لأهدافنا جسْر العبور
ونبيع حتى لو كرامتنا عشان المنفعه
الفقر يملانا جزَع والمال يملانا غرور
وان ما خدم حبل المودّه مصلحتنا نقطعه
كانت صغار بيوتنا بس السّعه وسْط الصدور
واليوم نسْكن في السْعه بصدور مافيها سعه
للأسف الكلام صحيح 100/100
موضوع: ليش المجتمع تغير ؟ 
الأربعاء أغسطس 27, 2014 8:28 pm
