(1)
قصيده لسان حال العقيله زينب مع أخيها العباس عليهما السلام
((اجيت أبأمانك))
************
أجيت أبأمانك // زماني زمانك
ألمن عفتنـــي // خالــي مكانك
***********
أجيت وياك خويـه وبالگلب فرحه
وظن أتغيب عنَّه وسهمك أيجرحه
طواهه للشمس ليلــــي فلآ تصحه
بعد ما ينعرف لنهاري لاصُبحـــه
بَعَدني بفَرحتي// نزلت دمعتــي
أبقه غريبــــه // وحدي بغربتي
************
نصبت خيامي وچفوفك تبارينـــي
على رهن الاشاره حاضر ألعيني
حته الوكت ماترضه يبچِّينـــــــي
من غصبن عفتني ومن يراعيني
ألحرم وأطفال // مرَّت بيال حال
مچتوفه أديهه // والصبر رحّـال
***********
گصدنه أنروح ويَّه النوح مو للعيد
ولاعدنه أمل أنعيش يــــــوم جديد
مَنسينَه وذِكرنَــــــه والدموع تزيد
يبو فاضــــــــل دمعنه للچفو يريد
صبري أنتظاره // بدرب المراره
ماخلص صبري// أنتـــــه أقتداره
***********
على رسمك وطولك عوّدة روحــي
وحس بلسم جفوفك دوه لجروحــــي
سدَّك چان يحمي خدري وصروحي
منو أيجاوبني عنَّك لو نشد نوحــــي
تجاوب چفوفك // شرحت ظروفك
وأعذرك يغالي // عفتنــي وعوفك
***********
عجيبه الدهر لمَّن طحت ضيّعنـــي
وصار الشمر حادي بعدك بضعني
يخويه ونظرت الشمّات تفجعنــــي
يصيح الگلب وينك گوم رجّعنــــي
برايتك أرجع // نشّفه المدمع
وأرد للمدينه // والفجر يطلع
بنفسي الابيَّه ** أمشي سبيَّه // خالي مكانك
*************
موضوع: خالد محمد مهدي الحجار \ ديوان نور الهواشم(1) ((أجيت بأمانك )) مبرئين الذمَّه 
الخميس يناير 02, 2014 9:09 pm
