((11)
((عيوني والدموع))
****************
عيوني حضري دمعتج حضريهه
وبمجالس أبــــــــــــواليمه أبجيه
بجّي ويّاج الجروح**خلّـي دمعاتج تنوح
**------------**
حضري دمعت دمه أتصب من العيون ** هذا شان الرجه أيحضره بالمنون
الغيـــرابـــــــــوالسجاد دمعج لايهون ** ألبجـــــــــي بخت ويكحّلهه العيون
كل رجه أتشوفين منهه وبيهه
أمسجله وأم الحسن تحصيهه
ورده ومعطّره تفوح**خلّــــي دمعاتج تنوح
**------------**
لاترخصيهه ألغَيره أو أي سبب **راح يعيونـــي تشوفين العجب
الدمـــــع للناس ربنه من وهب ** سورور تتجسدله لالوم وعتب
دمعه يم دمعه تجي أتحاجيهه
مثلي مكتوبــــه بسجل واليهه
حسين أبو الوجه الصبوح**خلّــــي دمعاتج تنـــــــوح
**------------**
الجفون أتلاكن ولمّن دمــــــــع ** مايلمهه الكون هـــــل الرحب الوسع
جمر صارن والجمر ماينجرع ** بروحي يجوي ويجوي كلب المنفجع
دموع آه وحزن لجله أجريهه
علـــه الطايح ظامي لتعزّيهه
دمعه تعله أعله الصروح**خلّــــــــــي دمعاتج تنوح
**------------**
من صميم الكلب تنزل والضمير ** أتصير مابينج وآبو اليمه سفير
تروح يمّه وبمودتـــــــه تستجير ** لوقبلهه أتخمّد بجاهــــه السعير
للذبيح وجثّتــــــه أمسلبيهه
ويَّهم اي العين دم صبّيهه
يالله يمّه خل نروح**خلّـــي دمعاتج تنوح
**------------**
آنه منّي الدمع دم أعلتـــه الخدود **وأنتي يعيوني دموعج خل تزود
وياج أريد أعبر وأجزيهه الحدود** وبالسفينه نوصل الجنّــــة خلود
هناك نلكي الزهره ونواسيهه
أتسرّج أم حســــين وتسرّيهه
والدمع بالحب يبوح**خلّــــي دمعاتج تنوح
**************************************************************
موضوع: خالد محمد مهدي\ ديوان نور الهواشم (11) 
الإثنين يناير 06, 2014 6:29 pm
