خالد محمد مهدي\\ قصيد(( كربله ووداع الحبايب)) مبرئين الذمَّه

مصايب كربله لمَّت مصايب** حبايب بيها وادعنه حبايب
كلبي باقي مفجوع** ليلي ونين ودموع
حبايب بيها وادعنه حبايب
*********************
دنيه بالفواجـــع تلم وتجيب ** ذبح حرك الخيم تسليب ترهيب
بليلي والنهار أكظيه بنحيب ** وجروحـــي أبد ماتشف وطّيب
ذايب الكلب بفراكه ذايب ** تايب مايعاتب دمعي تايب
حسره أبين لضلوع** ليلي ونين ودموع
حبايب بيها وادعنه حبايب
*********************
ادير العين وحدي مالي والي ** غريبه صرت ظيمي بجّه الحالي
صفه دار الامامه اليوم خالي ** صباحي جفه ومخيمَه الليالــــــي
شايب راسي حتّه الكلب شايب ** لايب يظل من احزاني لايب
الفجر ماشوفله طلوع** ليلي ونين ودموع
حبايب بيها وادعنه حبايب
*********************
عليل البقه من علته يعانــي ** بهمَّه مانسيته ولانسانـــــــــي
حِمَل ويّاي ظيم ألّي لفانــي ** لوعباس حاضـــــر جاكفاني
غايب ياكمر عن ليلي غايب ** عجايب مرّت عليَّه عجايب
شبكهه الغبره بخشوع** ليلي ونين ودموع
حبايب بيها وادعنه حبايب
********************
بمحرَّم ماجزتنه أيام عشـــــره ** كل لحظه التعدّي نــار كبره
بنيني وخوتي أمشابكه الغبره ** وعيونــــي دمعهه دمه وجمره
الغرايب حنّه دم من الغرايب **الكتايب طفوا شموعه الكتايب
وبالاكبر كلبي مفجوع** ليلي ونين ودموع
حبايب بيها وادعنه حبايب
*********************
خذوني بحيرة ضعوني والآلآم ** سبوني بصرخة ودمعات الأيتام
بدرب مابيه نجمة ليل لانـــــام ** وي عين الشماته وصلنه للشام
النوايب دولبن حالي النوايب **خايب يادهر وياي خايب
صبري مفصله دروع ** ليلي ونين ودموع
حبايب بيها وادعنه حبايب