الحجار
عدد المساهمات : 70
تاريخ التسجيل : 01/01/2014
 |  موضوع: خالد محمد مهدي الحجار \ قصيدة ألقائيه ((لقاء أم البنين مع العقيله ))  الأربعاء يناير 15, 2014 9:48 pm | |
|
لقاء أم البنين مع العقيله زينب عليهما السلام بعد رجوع السبايا الى المدينه
دكَّت باب زينب صفنه أخذتهه
شافت ليل وسط نهار موطبعه
ماتكّدر تفرزن ياهو أخت عباس
ذهلهه المنظر وصاب الكّلب فزعه
معقوله العقيله ترد وحّدهه
جا خدر العقيله عدمن أمودعه
ياعباس يمه وينك اطلعلي
صحيح الخبر لوهذا الخبر خدعه
رباتي ربات حيدر ادري ميقصّر
اليكابل هَوَ سيفه ماأله رجعه
زينب وين يعيوني تشوفيهه
أريد أويه الوعدهه اكبالي وبسرعه
دلّيني يكلبي وكّلي بنتي وين
يكّلبي فراكهه موسهل شيجرعه
نوح وياي نوح الفارك أعزازه
خط حزنك يكّلبي وأشبك الدمعه
الكمر ونجوم جانوا حرس سفرتهه
عاين حالها بياحال بالرجعه
بسجاجينك يدهري بجرحي ظل أجرح
أحجي يالعقيله أو صوَّري الفجعه
ترد دمعته زينب يمه لتخافين
شسولف عنَّه عن خصاله عن وضعه
ودعته ييمه اعله الشريعه هناك
مجره النهر جفَّه والجرف شمعه
عدل سابقا من قبل الحجار في الخميس يناير 16, 2014 1:10 am عدل 1 مرات | |
|
أم طاهر
إداريه
عدد المساهمات : 1625
تاريخ التسجيل : 09/11/2011
| | موضوع: رد: خالد محمد مهدي الحجار \\ قصيدة ألقائيه ((لقاء أم البنين مع العقيله )) الخميس يناير 16, 2014 12:53 am | |
| السلام على عقيلة الطالبين و السلام على أم البنين ورحمة الله وبركاته
شكرا لك على هذه القصيدة | |
|
الحجار
عدد المساهمات : 70
تاريخ التسجيل : 01/01/2014
| | موضوع: رد: خالد محمد مهدي الحجار \\ قصيدة ألقائيه ((لقاء أم البنين مع العقيله )) الخميس يناير 16, 2014 1:11 am | |
|
شرَّفتني بمروركم الكريم وأسعدتني
وجزاكم الله خيرا أحسن منه
الله يتقبل منكم ومنّا
شكرا \\ ممنون
| |
|
