الحجار
عدد المساهمات : 70
تاريخ التسجيل : 01/01/2014
 |  موضوع: خالد محمد مهدي\ ((مالومه مالومه)) لسنان رمله عليهما السلام  الإثنين يناير 13, 2014 12:31 am | |
| ((مالومه مالومه))
*************
مالومه مالومه ** يوليدي مالومه
والكلب يعجن حنتك ** بدمعتي مالومه
*************
تدري بالكلب صــــابر**عيني تعاين الطولك
رحت عني يماي العين**عني شراح يحجولك
خلــي اتسولف الدمعات**وآلاهات يشكولولك
عفتهه أمَـــك أليا هَم**وعن حالـــــي شكيلولك
مهضومه مهضومه ** راح ابقه مهضومه
لاعيني شافت زفتك ** راح ابقه مهضومه
**************
اعاين وجهـــــك بنوره **واتنومس بهذا الشـــــاب
ماحسّب يجـــــي فد يوم**كلبــــي بين اديـــــه ذاب
يكبر الجـــــــرح بعدك **لاطب ينفعــــــه ولا طاب
واشوف كبالي صولاتك**واكول أيمين داحي الباب
محرومه محرومه ** وعيوني محرومه
مشتاقه تبقه الشوفتك ** وعيوني محرومه
**************
الك يبن الحســــن زفه**وهودج عرسك احزاني
خيالي صوَّر المنظـــر**شموع وحنه بصوانـــي
تشع بنورهـــه الوهاج**كصدهه القاصي والداني
لن ذبحوا فرح عمري** ييمه وبده حرمانــــــــي
بالحومه بالحومه ** العرس بالحومه
سيوف المنيه وعدتك ** العرس بالحومه
*************
بعد ياأمل يبقالـــــــي**حسره ونوح ضل لَمَّك
اشوفن نحرك الدامي**وصارت حنِّتك دمــــك
مااكدر اتعنـــــه عليك**ولااحضنــــك لاشمك
اطفي شموعك بدمعي**وأضل بلوعتــي وهمك
ملجومه ملجومه ** فرحتي ملجومه
من المنيه اخذتك ** فرحتي ملجومه
************
على كل فاكده يصعب**منهه يروح من ربَّت
سهر تعب الربه تتنــاه**منه شحصِّلت وجنت
رمش العيـن جان دفاه**حقهه بيومه لوفرحت
ياأم بالعرس مثلــــــي**بدم وليدهه اتحنـــت
من يومه من يومه ** واعدته من يومه
يبني اتضحي بمهجتك ** واعدته من يومه
*************** | |
|
أم طاهر
إداريه
عدد المساهمات : 1625
تاريخ التسجيل : 09/11/2011
| | موضوع: رد: خالد محمد مهدي\\ ((مالومه مالومه)) لسنان رمله عليهما السلام الإثنين يناير 13, 2014 3:07 pm | |
| ما شاء الله
شكرا لك على هذه القصيدة
إلى اﻷمام إن شاء الله | |
|
الحجار
عدد المساهمات : 70
تاريخ التسجيل : 01/01/2014
| | موضوع: رد: خالد محمد مهدي\\ ((مالومه مالومه)) لسنان رمله عليهما السلام الإثنين يناير 13, 2014 6:22 pm | |
|
خالص التقدير والاحترام
يشرفني مروركم دائما
شكرا \\ ممنون
| |
|
